Til deg som driv jordbruk i VanylvenKommunen vil minne om fristar for ulike tilskotsordningar:Produksjonstilskot i jordbruket 2024 – Frist 15.marsFøretak kan søkje om tilskot til husdyr ein disponerer pr.1.3.24. Om ordninga: Produksjonstilskudd og avløsertilskudd i jordbruket - Landbruksdirektoratet Dei som berre driv fôrsalg eller sal av frukt/grønt treng ikkje søkje før i oktober.Nytt: Det er litt anna utsjånad på nettsida, elles lite endringar frå i fjor. Dreneringstilskot – Frist 1.aprilTil grøfting av dyrka jord. Tilskotet er på kr 61 pr. meter eller kr 4000 pr. dekar systematisk grøfting. Det kan vere både opne og lukka grøfter. Arbeidsfristen er 3 år. Vi fekk lite midlar i år (130 000) og må prioritere mellom dei som søkjer.Søknadsskjema og info: Tilskudd til drenering av jordbruksjord - Landbruksdirektoratet Spesielle miljøtiltak i jordbruket - SMIL-tilskot – Frist 1.aprilFøremålet med SMIL-tilskotet er mellom anna:Fremje beitebruk i gamle kulturlandskapRedusere risiko for erosjon og avrenning til sårbare vassdragHindre ureining frå jordbruket frå areal, fòr- og gjødsellagerHindre forfall og sette i stand eldre, verneverdige bygningar eller kulturlandskapFjerne piggtråd frå inn- og utmark. Vi har fått kr 405 000 til fordeling. Tilskotet er 40-70% av kostnad. Arbeidsfristen er 3 år, kan forlengast 2 år. Gjeld tiltak som ikkje er del av normalt vedlikehald. Eigar eller drivar kan søkje. Eigne lokale retningsliner ligg føre, med satsar på nest siste side! https://www.vanylven.kommune.no/_f/p38/i2bc06227-549c-4ae5-8c48-244a14e5e808/smil-strategi-vanylven-2021-24-b.pdfSøknadsskjema og info: Tilskudd til spesielle miljøtiltak i jordbruket (SMIL) - Landbruksdirektoratet Tilskot til tiltak i beiteområde – Frist 1.aprilDenne ordninga har som formål å legge til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda. Beitelaget er hovudmålgruppe, men andre lag eller enkeltbrukarar kan også søkje. Søknadsskjema og info: https://www.landbruksdirektoratet.no/nb/jordbruk/ordninger-for-jordbruk/tilskudd-til-tiltak-i-beiteomraderAlle søknadsskjema (elektronisk) ligg på www.landbruksdirektoratet.no/nb/ Publisert av Irma Kristin Moen Publisert 07.03.2024 11:15